انگلش کاؤنٹی:حسن علی کے 9 وکٹ، لنکاشائر نے گلاسٹر شائر کو ہرادیا

لندن،اپریل۔ انگلش کائونٹی چیمپئن شپ میںحسن علی کی بولنگ کی بدولت لنکاشائر نے گلاسٹر شائر کو اننگز اور 57 رنز سے ہرادیا۔حسن علی نے پہلی اننگز میں 6 جبکہ دوسری اننگز میں 3 وکٹیں حاصل کیں۔ ادھر ووسٹر شائر نے محمد رضوان کی ٹیم سسکس کو اننگز اور34 رنز سے ہرادیا۔اظہر علی نے20رنز بنائے۔ سسکس کے محمد رضوان پہلی اننگز میں صفر اور دوسری اننگز میں چار رنز بناسکے۔ ناٹنگھم شائر نے ڈرھم کو اننگز اور 141 رنز سے شکست دے دی۔ برمنگھم میں وارک شائر نے ایسسکس کو دس وکٹ جبکہ شان مسعود کی ڈبل سنچری کی بدولت ڈاربی شائر نے لیسٹر شائر کو اننگز اور 68 رنز سے ہرادیا۔ شان ڈاربی شائر کی تاریخ کے پہلے بیٹر ہیں جنہوں نے مسلسل دو میچوں میں ڈبل سنچریاں بنائیں ہیں۔