شاہ رخ خان کی اسپین میں مداحوں کیساتھ سیلفیاں

میڈرڈ،اپریل۔بالی ووڈ اسٹار شاہ رخ خان کی اسپین میں اپنے مداحوں کے ساتھ لی گئی سیلفیاں سوشل میڈیا پر وائرل ہورہی ہیں۔شاہ رخ خان اپنی نئی فلم’پٹھان‘ کی شوٹنگ کے لیے اداکار جون ابراہم اور دیپیکا پڈوکون کے ہمراہ اسپین میں موجود تھے۔جہاں فلم کی شوٹنگ کے دوران اْنہوں نے اپنے مداحوں سے بھی ملاقات کی اور مداحوں نے اداکار کے ساتھ سیلفیاں بھی بنوائیں۔مداحوں کی جانب سے شاہ رخ خان کے ساتھ شیئر کی گئی تصاویر میں اداکارہ کو فلم’پٹھان‘ کے لیے بنوائے نئے ہیر اسٹائل میں دیکھا جاسکتا ہے۔بھارتی فلم انڈسٹری کے سپر اسٹار کے مداحوں کی جانب سے ان کے اس نئے انداز کی سوشل میڈیا پر بہت تعریفیں کی جارہی ہیں۔خیال رہے کہ شاہ رخ خان جب اسپین میں موجود تھے تو اْنہوں نے خود فلم’پٹھان‘ کے سیٹ سے اپنی ایک تصویر سوشل میڈیا پر شیئر کی تھی، جسے دیکھ کر مداح حیران رہ گئے تھے۔اداکار انسٹاگرام پر شیئر کی گئی اس تصویر میں 8 ایبس کے ساتھ سپر فٹ دکھائی دے رہیہیں۔انہوں نے اپنی تصویر کے ساتھ کیشن میں لکھا کہ ’شاہ رخ اگر تھوڑا رک بھی گیا تو پٹھان کو کیسے روکو گے۔ ایپس اور ایبس سب بنا ڈالوں گا‘۔