تاپسی کے پاس اپنی کمائی گننے کا بھی وقت نہیں، کپل شرما

ممبئی،جنوری۔ کامیڈین کپل شرما اپنے شو میں آئے مہمانوں کی نجی زندگی کو بھی اکثر مزاح کے انداز میں مداحوں سے شیئر کرتے رہتے ہیں، ایسے ہی انہوں نے تاپسی سے متعلق انکشاف کیا۔کپل شرما کے شو کے پرومو کی ویڈیو اس وقت سوشل میڈیا پر زیرِ گردش ہے جس میں دیکھا جاسکتا ہے کہ اداکارہ تاپسی پنو ان کی مہمان بننے جارہی ہیں۔اس پرومو میں کپل شرما تاپسی کے مصرف شیڈول سے متعلق بات کرتے ہوئے اسے مزاح کی شکل دیتے ہوئے کہتے ہیں کہ تاپسی کے پاس تو اپنی کمائی گننے کا بھی وقت نہیں ہے۔اپنی آنے والی نئی فلم میں تاپسی ساوی کا کردار نبھارہی ہیں جس میں انہیں 50 منٹ میں 50 لاکھ روپے جمع کرنے ہوتے ہیں۔ اس پر کپل شرما نے تاپسی سے سوال کیا کہ اگر حقیقی زندگی میں انہیں اس صورتحال کا سامنا کرنا پڑ جائے تو وہ کسے کال کریں گی، جس پر اداکارہ نے جواب دیا کہ وہ اپنے والد کو کال کریں گی۔