میڈ اِن انڈیا – اے ٹائٹن اسٹوری آئی ایف ایف آئی میں بہترین ویب سیریز کے لیے نامزد
ممبئی، نصیر الدین شاہ اور جِم سربھ کی اداکاری سے سجی ویب سیریز ‘میڈ اِن انڈیا – اے ٹائٹن اسٹوری کو 57ویں انٹرنیشنل فلم فیسٹیول آف انڈیا (آئی
ایف ایف آئی) 2026 میں بہترین ویب سیریز (او ٹی ٹی) کے زمرے میں نامزد کیا گیا ہے۔روبی گریوال کی ہدایت کاری میں بنی یہ سیریز ٹاٹا گروپ کے معروف برانڈ ٹائٹن کے قیام اور اس کی ترقی کے سفر کو پیش کرتی ہے۔ ہندوستانی کاروباری صلاحیت، دور اندیشی، اختراع اور پختہ عزم پر مبنی اس سیریز کو المائٹی موشن پکچر کی پربلین سندھو نے ٹی سیریز فلمز کے اشتراک سے تیار کیا ہے۔ یہ ونے کامتھ کی کتاب پر مبنی ہے۔پروڈیوسر پربلین سندھو نے کہا کہ آئی ایف ایف آئی جیسے معروف پلیٹ فارم پر نامزدگی ملنا پوری ٹیم کے لیے فخر اور اعزاز کی بات ہے۔ یہ سیریز ہندوستانی کاروباری صلاحیت، دور اندیشی اور پختہ عزم کے جذبے کا جشن ہے۔ ناظرین کی جانب سے ملی محبت کے بعد یہ پہچان حاصل ہونا پوری ٹیم کی محنت کا اعتراف ہے۔اداکار جِم سربھ نے کہا کہ 57ویں آئی ایف ایف آئی میں بہترین ویب سیریز کے لیے نامزد ہونا ان کے لیے بڑے اعزاز کی بات ہے۔ پوری ٹیم نے اس کہانی کو تیار کرنے میں کافی محنت کی ہے اور انہیں خوشی ہے کہ ملک بھر کے ناظرین نے اس سے خود کو جوڑا ہے۔ہدایت کار روبی گریوال نے کہا کہ معروف فلمی فیسٹول میں نامزدگی ملنا پوری ٹیم کے جذبے، محنت اور لگن کا اعتراف ہے۔پرائم ویڈیو اور ایم ایکس پلیئر پر ریلیز ہوئی اس سیریز کو ہندوستان کی کاروباری تاریخ کے ایک متاثر کن باب کو پردے پر زندہ کرنے کے لیے سراہا گیا ہے۔




