ریکھا گپتا نے شالی مار باغ اسمبلی حلقے میں کئی منصوبوں کا افتتاح اور آغاز کیا

نئی دہلی، دہلی کی وزیر اعلیٰ ریکھا گپتا نے اتوار کو شالی مار باغ اسمبلی حلقے میں کئی اہم ترقیاتی منصوبوں کا افتتاح کیا اور تعمیراتی کاموں کا آغاز کیا۔ ان منصوبوں سے علاقے میں صفائی کے نظام، پارکوں کی خوبصورتی اور سڑکوں کی رابطہ سہولت کو مزید مضبوط بنانے میں مدد ملے گی۔تعلیم کے شعبے میں ایک اہم قدم اٹھاتے ہوئے وزیر اعلیٰ نے شالی مار باغ کے بی بی بلاک میں اسکول کی عمارت کی تعمیر کے کام کا افتتاح کیا۔ اس سے علاقے کے طلبہ کے لیے بہتر تعلیمی سہولیات کی ترقی کو رفتار ملے گی۔وہیں بجلی کے نظام کو زیادہ محفوظ اور منظم بنانے کے لیے اے ایف بلاک میں کھلے اوورہیڈ کنڈکٹر کو زیرِ زمین کیبل میں تبدیل کرنے کے کام کا آغاز کیا گیا۔ اس کے علاوہ شالی مار باغ کے سی اینڈ ڈی بلاک کی مین روڈ پر کھلے اوورہیڈ کنڈکٹر کو زیرِ زمین کیبل میں تبدیل کرنے کے کام کا بھی آغاز کیا گیا۔ اس سے علاقے میں بجلی کی فراہمی کے نظام کو زیادہ محفوظ اور منظم بنانے میں مدد ملے گی۔وزیر اعلیٰ نے پیتم پورہ میں سری گرو گووند سنگھ کالج سے رنگ روڈ تک نئی سڑک کی تعمیر کے کام کا بھی آغاز کیا۔ تقریباً 2.84 کروڑ روپے کی لاگت سے بننے والی اس سڑک سے علاقے کی رابطہ سہولت بہتر ہونے کے ساتھ شہریوں کی آمدورفت بھی زیادہ آسان ہوگی۔انہوں نے حیدرپور کے نہرو کیمپ میں نو تعمیر شدہ ٹوائلٹ بلاک کا افتتاح بھی کیا۔ اس کے ساتھ ہی پیتم پورہ کے ایس پی-ٹی پی بلاک میں جدید کمپیکٹر کا افتتاح کیا گیا۔ کچرے کے جدید انتظامی نظام کو مضبوط بنانے کی سمت میں یہ اقدام علاقے میں صفائی کے نظام کو مزید مو¿ثر بنانے میں معاون ثابت ہوگا۔وزیر اعلیٰ نے وائی پی بلاک کے تین اور ڈبلیو پی بلاک کے 10 پارکوں میں ہونے والے خوبصورتی اور ترقیاتی کاموں کا بھی افتتاح کیا۔ ان کاموں کے ذریعے مقامی باشندوں کو بہتر، صاف ستھرے اور خوبصورت سبز مقامات فراہم کرنے پر زور دیا گیا ہے۔اس موقع پر وزیر اعلیٰ نے کہا کہ دہلی حکومت کا مقصد ترقی کو صرف بڑے منصوبوں تک محدود رکھنا نہیں بلکہ ہر گلی، ہر کالونی اور ہر شہری تک بہتر سہولیات پہنچانا ہے۔ حکومت صفائی، سرسبز و خوبصورت عوامی مقامات، بہتر سڑک رابطے اور مضبوط شہری نظام کے ذریعے دہلی کے باشندوں کی زندگی کو زیادہ آسان بنانے کے لیے مسلسل کام کر رہی ہے۔انہوں نے کہا کہ شالی مار باغ اسمبلی حلقے کو بہتر صفائی، عوامی سہولیات، آسان طبی خدمات اور مضبوط شہری نظام سے آراستہ ایک مثالی اسمبلی حلقے کے طور پر ترقی دینا دہلی حکومت کا عزم ہے۔