رائے پورـگورنر شری ڈیکا نے نائب صدر شری رادھا کرشنن کا پرتپاک استقبال کیا

رائے پور، نائب صدرجمہوریہ جناب سی پی رادھا کرشنن آج رائے پور پہنچے۔ رائے پور ہوائی اڈے پر گورنر رمن ڈیکا، نائب وزیر اعلی وجے شرما، ریاستی وزراءاور عوامی نمائندوں نے ان کا استقبال کیا۔ رائے پور پہنچنے کے بعد نائب صدرجمہوریہ ہوائی اڈے سے براہ راست ایمس رائے پور کے لیے روانہ ہوئے۔ یہاں وہ ایمس کے تیسرے کنووکیشن میں شرکت کریں گے۔
صبح تقریبا 10 بجے رائے پور پہنچنے کے بعد وہ سیدھے ایمس کیمپس کی طرف روانہ ہوئے۔ تقریب دوپہر 12.30 بجے تک ختم ہونے کے بعد، وہ ہوائی اڈے پر واپس جائیں گے اور دوپہر 1.30 بجے دہلی کے لیے روانہ ہوں گے۔ حفاظتی انتظامات کا جائزہ خود چیف سکریٹری وکاس شیل نے لیا ہے۔ تاہم، مسافروں کو ان کے قافلے کی ریہرسل کی وجہ سے سرونا رنگ روڈسے ٹاٹی بندھ چوک کے درمیان ٹریفک جام کا سامنا کرنا پڑا۔نائب صدر جمہوریہ کے علاوہ، مرکزی وزیر مملکت انوپریہ پٹیل، ایمس کے چیئرمین پروفیسر ڈاکٹر سنجیو ہانڈا، ایمس گوہاٹی کے چیئرمین پروفیسر اشوک پرانک اور ایمس بھوپال کے ایکزیکٹوڈائریکٹرلیفٹیننٹ جنرل نریندر کوتوال کے ساتھ ہی مرکزکے ڈائریکٹر، پی ایم ایس وائی سچن کمار اس موقع پر خصوصی طور پر موجود ہوں گے۔