تبت کے کیرونگ میں سیلاب، 546 افراد لاپتہ، 104 نیپالی اور 49 ہندوستانی شامل

کاٹھمنڈو، 30 اگست۔ چین کے تبت خودمختار علاقے میں آنے والے شدید سیلاب کے بعد کیرونگ میں 546 افراد لاپتہ ہو گئے ہیں۔ چین کے سرکاری ٹیلی ویژن سی سی ٹی وی کے مطابق لاپتہ افراد میں 23 ممالک کے 261 غیر ملکی شہری شامل ہیں۔
چینی حکام کے مطابق لاپتہ غیر ملکی شہریوں میں نیپال کے شہریوں کی تعداد سب سے زیادہ ہے۔ اب تک 104 نیپالی اور 49 ہندوستانی شہری لاپتہ بتائے گئے ہیں۔
لاپتہ غیر ملکی شہریوں کی تفصیل
نیپال: 104،بھارت: 49،لٹویا: 33،امریکہ: 18،برطانیہ: 15،کینیڈا: 6، آسٹریلیا: 6،جنوبی افریقہ: 4،ملائیشیا: 3،جرمنی: 3،روس: 3،فرانس: 2،نیوزی لینڈ: 2،ایسٹونیا: 2،آئرلینڈ: 2،فن لینڈ: 1،نیدرلینڈز: 1،لتھوانیا: 1،پرتگال: 1،یوکرین: 1،اسپین: 1،ہنگری: 1
چینی حکام نے لاپتہ شہریوں کے بارے میں ان کے متعلقہ ممالک کے سفارت خانوں اور قونصلر حکام کو باضابطہ طور پر اطلاع دے دی ہے۔چین کے سرکاری نشریاتی ادارے کے مطابق لاپتہ افراد سے متعلق یہ تفصیلات وزارت خارجہ، وزارتِ عوامی تحفظ، ثقافت و سیاحت اور ہنگامی انتظامیہ سمیت مختلف سرکاری اداروں کی مشترکہ تحقیقات اور باہمی رابطے کے بعد مرتب کی گئی ہیں۔