ٹیسٹ رینکنگ، ایشون نمبر ون بولر بن گئے
دبئی ،مارچ۔ انٹرنیشنل کرکٹ کونسل نے نئی ٹیسٹ رینکنگ جاری کردی۔ بولنگ کی فہرست میں بھارتی اسپنر روی چندرن ایشون نے انگلینڈ کے جیمز اینڈرسن کی جگہ پہلی پوزیشن حاصل کرلی ہے، پیٹ کمنز کی تیسری پوزیشن برقرار ہے۔بیٹرز کی فہرست میں آسٹریلیا کے مارنس لبوشین اور اسٹیو اسمتھ کی بدستور بالترتیب پہلی اور دوسری پوزیشن برقرار ہے،پاکستان کے بابر اعظم اور آسٹریلیا کے ٹریوس ہیڈ ایک ایک درجہ تنزلی سے بالترتیب چوتھی اور پانچویں پوزیشن پر چلے گئے۔
