25 دن میں پروڈیوسرز کے پیسے ڈبل کرنے والے بابا کارتک آریان

ممبئی،جولائی۔ بالی ووڈ کے شرارتی اداکار کارتک آریان نے حال ہی میں ’بھول بھلیاں 2‘ میں اداکاری کی ہے، انہوں نے بتایا کہ پروڈیوسرز کا کہنا ہے کہ میں ایک مہینے سے کم وقت میں پیسے ڈبل کر دیتا ہوں۔نئے انٹرویو میں کارتک نے کہا کہ ان کے پروڈیوسرز ان سے بہت خوش ہیں کیونکہ وہ بہت منافع کما رہے ہیں۔انہوں نے یہ بھی بتایا کہ بہت سے لوگوں نے انہیں کہا کہ بھول بھلیاں 2 دیکھنے کے بعد ہمیں فلم کا پہلا پارٹ بالکل یاد نہیں آیا۔رواں سال مئی میں ریلیز ہونے والی بھول بھلیاں 2 نے ایک ہفتے میں 230 کروڑ روپے کا بزنس کیا تھا۔فلم کی بے پناہ کامیابی کے بعد پروڈیوسر بھوشن کمار نے کارتک کو بھارت کی پہلی مکلیرین جی ٹی گاڑی تحفے میں دی جس کی مالیت 4.7 کروڑ روپے ہے۔بھول بھلیاں 2 میں کیارا ایڈوانی، تبو، راجپال یادیو اور سنجے مشرا بھی شامل ہیں۔کارتک نے انٹرویو دیتے ہوئے کہا کہ میرے پروڈیوسرز نے مجھے بولا تھا کہ تْو ایسا اداکار ہے جو 25 دن میں ہمارے پیسے ڈبل کر دیتا ہے۔