دھامی کی کھٹیما میں عوام سے ملاقات کی، مسائل سنے

نینی تال/کھٹیما ،مئی۔اتراکھنڈ کے وزیر اعلی پشکر سنگھ دھامی نے منگل کو کھٹیما کے ناگلہ ترائی میں واقع اپنی رہائش گاہ پر عام لوگوں سے ملاقات کی اور ان کے مسائل سنے ۔ انہوں نے افسران کو عوام کے مسائل حل کرنے کی سخت ہدایات بھی دیں۔اس کے بعد وزیر اعلیٰ نے شری سائی مندر پہنچ کر پوجا کی اور ریاست کی خوشحالی اور خوشی کی خواہش کی۔ انہوں نے سائی بابا کے دربار میں سیاحتی سیزن کی پرامن تکمیل اور ریاست کی خوشحالی کے لیے دعابھی کی۔اس کے بعد شری دھامی رادھا سوامی ست سنگ ویاس گراؤنڈ میں واقع ہیلی پیڈ پہنچے۔ یہاں سرسوتی ودیا مندر کے طلباء نے وزیر اعلیٰ کا استقبال کیا۔ اس دوران ضلع مجسٹریٹ یوگل کشور پنت، سینئر سپرنٹنڈنٹ آف پولیس منجوناتھ ٹی سی، چیف ڈیولپمنٹ آفیسر آشیش بھٹگئی، ڈپٹی ڈسٹرکٹ مجسٹریٹ رویندر بشت سمیت علاقائی عوام موجود تھے۔