بریبورن ہماری ٹیم کے لیے اچھا گراؤنڈ ثابت نہیں ہوا: ائیر

ممبئی، اپریل ۔کولکاتہ نائٹ رائڈرس کے کپتان شریاس ائیر نے پیر کو راجستھان رائلز کے ہاتھوں سات رن سے شکست کے بعد کہا کہ ہمیں جو آغاز ملا، ہم مطلوبہ رن ریٹ کے مطابق بیٹنگ کر رہے تھے۔فنچ نے اچھی بلے بازی کی۔ اس کے بعد ہم سست ہوتے چلے گئے اور میچ ہمارے ہاتھوں سے پھسلتا چلاگیا۔ائیر نے میچ کے بعد کہا، ’’میں آخر تک کھیلنا چاہتا تھا اور منصوبہ یہ تھا کہ دوسرے اینڈ کے بلے باز خطرہ مول لیں گے۔ لیکن میں بدقسمتی سے آؤٹ ہو گیا۔ بٹلر ایک کلاسک بلے باز ہیں۔ وہ گیند کو چاروں سمتوں میں مارتے ہیں۔ انہوں نے اچھی بلے بازی کی۔ مجھے نہیں لگتا کہ اوس نے آج زیادہ اثر کیا۔انہوں نے کہا، یہ ایک اچھی پچ تھی اور بریبورن ہماری ٹیم کے لیے اچھا گراؤنڈ ثابت نہیں ہوا۔ جب آپ اتنے بڑے اسکور کا تعاقب کرتے ہیں تو آپ پردباؤ ہوتاہے۔ میں پہلی گیند سے جارحانہ بیٹنگ کرنا چاہتا تھا۔ ہدف کتنا ہی بڑا کیوں نہ ہو، مجھے یقین تھا کہ اگر مخالف ٹیم یہ اسکور کر سکتی ہے تو میں بھی یہ اسکور بنا سکتا ہوں۔