آکاسا کی پروازیں 25 دسمبر سے لکھنؤ سے شروع ہوں گی

نئی دہلی، دسمبر ۔ہندوستانی آسمان میں ابھرتی ہوئی ایئر لائن آکاسا اب اتر پردیش سے بھی جڑنے جا رہی ہے۔ آکاسا کرسمس کے موقع پر لکھنؤ سے ممبئی اور بنگلور کے لیے پروازیں شروع کرنے جا رہی ہے۔ایئر لائن نے آج یہاں یہ اعلان کیا۔ یہ ایئر لائن کی 11ویں منزل ہوگی۔ صبح 11 بجے لکھنؤ سے ممبئی اور شام 4.30 بجے بنگلورو کے لیے پروازیں ہوں گی۔ اسی طرح آکاسا صبح 7.30 بجے بنگلورو سے لکھنؤ اور دوپہر 01.50 بجے ممبئی سے لکھنؤ کے لیے پرواز کرے گی۔ آکاسا اس کے ساتھ بنگلورو سے 26 پروازیں چلانا شروع کر دے گی۔ایئر لائن کا کہنا ہے کہ ان کی توجہ میٹروپولیٹن شہروں سے ٹائر 2 اور 3 شہروں تک سروس شروع کرنا ہے۔آکاسا 29 دسمبر سے کوچی سے بنگلورو تک روزانہ تیسری پرواز شروع کرنے جا رہی ہے۔ یہ نائٹ سروس ہوگی۔