چمپاوت کے لوگوں کو وزیر اعلیٰ منتخب کرنے کا موقع ملا: یوگی

ٹنک پور، مئی۔ اتر پردیش کے وزیر اعلی یوگی آدتیہ ناتھ نے اتراکھنڈ کے چمپاوت اسمبلی حلقے میں ہونے والے ضمنی انتخابات میں ریاست کے وزیر اعلی پشکر سنگھ دھامی کی حمایت میں ایک بہت بڑے جلسہ عام سے خطاب کرتے ہوئے کہا کہ عوام کو وزیراعلی کے انتخاب کا موقع ملا ہے۔ اس لیے 31 مئی کو پہلے ووٹ دیں، پھر ریفریشمنٹ لیں۔مسٹر یوگی نے کہا کہ آج مجھے چمپاوت، دیو بھومی اتراکھنڈ میں ماں پورن گیری کے مقدس دھام اور گولجو مہاراج، ایڑی بیاندھورا بابا اور مہایوگی گرو گورکھ ناتھ کے مقدس مقام پر جانے کا شرف حاصل ہوا ہے۔ چمپاوت کے لوگوں کی توانائی، اس سرزمین کی الوہیت مجھے عوامی بہبود کے لیے تحریک دیتی ہے۔اس سے پہلے جب یوگی آدتیہ ناتھ روڈ شو کرتے ہوئے جلسہ گاہ پہنچے تو جلسہ گاہ یوگی-یوگی کے نعروں سے گونج اٹھی۔جلسہ عام سے خطاب کرتے ہوئے مسٹر یوگی نے کہا کہ اس بار وزیراعلی دھامی کو ماں پورن گیری کا آشیرواد ملے گا۔ چمپاوت کے لوگوں کے پاس اس بار بڑا موقع ہے۔ اس علاقے کی ترقی کے لیے یہاں کے لوگوں کو وزیراعلی دھامی کو اپنا تعاون دینا ہوگا۔ انہوں نے کہا کہ آج دیو بھومی کی ترقی کو سبھی دیکھ رہے ہیں۔ چاردھام یاترا کے لیے ملک بھر سے عقیدت مند اتراکھنڈ پہنچ رہے ہیں۔مسٹر یوگی نے کہا کہ اس میں کوئی شک نہیں کہ مسٹر پشکر دھامی الیکشن جیتیں گے، لیکن ہماری کوششیں اس وقت تک جاری رہنی چاہئیں جب تک کامیابی ہاتھ میں نہیں آتی۔ انہوں نے کہا کہ چمپاوت کا قیام 1957 میں ہوا تھا۔ ریاست جلد ہی اپنی تشکیل کے 25 سال مکمل کرے گی۔ یہاں کے لوگ ترقی، سیاحت اور روزگار سے متعلق خواہشات رکھتے ہیں۔ اب ان کی تکمیل وزیر اعلیٰ دھامی کریں گے۔مسٹر یوگی نے کہا کہ اتراکھنڈ کی ترقی کی قیادت چمپاوت اب کرتے نظر آئے گی۔وزیراعلی دھامی کی جیت سے یہاں کے لوگ ایک نئی تاریخ رقم کریں گے۔ انہوں نے عوام سے اپیل کی کہ وہ 31 مئی کو وزیراعلی دھامی کے حق میں ووٹ دیں۔مسٹر دھامی نے اس موقع پر کہا کہ یوپی میں ہم روز جرائم کی خبریں سنتے تھے، لیکن وزیرعلی یوگی آدتیہ ناتھ نے ایسا بلڈوزر چلا دیا کہ اب مجرم کانپتے ہیں۔ انہوں نے کہا کہ وزیراعلی یوگی کا بلڈوزر ہر غلط کام پر چلتا ہے۔ انہوں نے کہا کہ یوپی کی طرح اتراکھنڈ میں بھی بلڈوزر چلے گا اور مہاراج کے بلڈوزر کا اثر اتراکھنڈ میں بھی ہوگا۔