مودی حکومت بنکر برادری کی مجموعی ترقی کے لئے پرعزم: شاہ


نئی دہلی، مرکزی وزیر داخلہ امیت شاہ نے آج قومی ہینڈلوم ڈے کے موقع پر کہا کہ مودی حکومت بنکر برادری کی مجموعی ترقی کے لئے پرعزم ہے۔
مسٹر شاہ نے اپنے ٹوئیٹ پیغام میں کہا ، “2014 کے بعد پہلی بار ، ہمارے محنت کش بنکروں کی اصل صلاحیتوں کو تیار کرتے ہوئے بنکروں کو ان کا مناسب مقام دیا جارہا ہے۔ انھیں مزید ترغیب دینے کے لئے ، وزیر اعظم نریندر مودی نے 2015 میں 7 اگست کو قومی ہینڈلوم ڈے منانے کا اعلان کیا تاکہ بنکروں کو ہندوستان کی ترقی کے مرکزی دھارے میں شامل کیا جاسکے۔
ایک اور ٹوئیٹ میں ، انہوں نے کہا ، “وزیر اعظم مودی کے ‘ووکل فار لوکل’ فارمولہ یقینی طور پر ہینڈلوم سیکٹر کے حوصلے کو فروغ دیں گے۔ آئیے ہم سب وزیر اعظم کے خود انحصار ہندوستان کے خواب کو پورا کرنے کے لئے ‘ووکل فور ہینڈ میڈ ‘ کی حمایت کرنے کا عہد کریں۔

Related Articles