سارہ علی خان کی سنسنی خیز فلم ’گیس لائٹ‘ کب ریلیز ہوگی؟
ممبئی،مارچ۔بالی ووڈ کی خوبرو اداکارہ سارہ علی خان، وکرانت مسے اور چترانگدا سنگھ کی نئی فلم ’گیس لائٹ‘ 31 مارچ کو ریلیز ہوگی۔اس سنسنی خیز فلم کے پروڈیوسر رمیش تورانی اور اکشے پوری ہیں جبکہ ہدایت کار پون کرپلانی ہیں۔رمیش تورانی کا کہنا ہے کہ ’گیس لائٹ‘ بالی ووڈ میں سنسنی خیز فلموں کا زاویہ تبدیل کر دے گی۔انہوں نے کہا کہ فلم بین سارہ علی خان کو بھی پہلی بار بالکل منفرد کردار میں دیکھیں گے۔فلم میں راہول دیو اور اکشے اوبرائے بھی شامل ہیں۔
