شاہد کپور 42 برس کے ہوگئے، چھوٹے بھائی ایشان کھتر کی دلچسپ مبارکباد

ممبئی،فروری۔بالی ووڈ کے ورسٹائل اداکار شاہد کپور 42 برس کے ہو گئے ہیں، انہیں ان کے چھوٹے بھائی ایشان کھتر نے دلچسپ انداز میں سالگرہ کی مبارک باد دی۔ایشان کھتر نے شاہد کے ساتھ تصویر انسٹاگرام پر شیئر کی۔ انہوں نے لکھا کہ میں شاید قد میں مزید لمبا ہو جاؤں لیکن یہ صرف آپ کے سائے اور پروان چڑھانے کی وجہ سے ممکن ہوا، سالگرہ مبارک ہو بڑے میاں۔ایشان نے کہا کہ میں شاہد کو درخت اس لیے کہتا ہوں کیونکہ ان کے ارادے غیر متزلزل ہوتے ہیں، وہ عقلمند ہیں۔خیال رہے کہ شاہد کپور کی والدہ نیلمہ عظیم ہیں، راجیش کھتر نے نیلمہ سے شادی کی اور یوں ایشان کھتر کی پیدائش ہوئی، شاہد کپور اور ایشان کھتر سوتیلے بھائی ہیں۔