ناگالینڈ انتخابات: 200 امیدواروں کی نامزدگیاں درست پائے گئے

کوہیما، فروری ۔ ناگالینڈ کے مختلف اسمبلی حلقوں کے انتخابی عہدیداروں نے 14ویں قانون ساز اسمبلی کے انتخابات کے لئے کاغذات نامزدگی کی جانچ کے بعد کل 200 کاغذات نامزدگی درست پائے ہیں۔ناگالینڈ کے چیف الیکٹورل آفس کے ذرائع کے مطابق 60 اسمبلی سیٹوں کے لیے داخل کیے گئے کل 225 کاغذات نامزدگی میں سے 22 بدھ کو کی گئی جانچ میں غلط پائے گئے، جب کہ تین امیدواروں جن میں ایک ریپبلکن پارٹی آف انڈیا (اٹھاوالے)، ایک لوک جن شکتی پارٹی (رام ولاس) اور ایک آزاد امیدوار نے الیکشن سے اپنی امیدواری واپس لے لی ہے۔ اگر کوئی امیدوار دستبرداری کی آخری تاریخ سے پہلے دستبردار ہو جاتا ہے تو کاغذات نامزدگی کو کم کیا جا سکتا ہے۔14 ویں ناگالینڈ قانون ساز اسمبلی کے انتخابی شیڈول کے مطابق امیدواری واپس لینے کی آخری تاریخ کل یعنی 10 فروری ہے اور ریاست میں 27 فروری کو انتخابات ہوں گے۔