بھارتی اداکارہ سمانتھا رتھ ایک بار پھر شادی کے لیے تیار

ممبئی،ستمبر۔جنوبی بھارت کی تیلگو فلموں کی شہرت یافتہ اداکارہ سمانتھا رتھ پرابھو سابقہ شوہر ناگا چیتنیا سے طلاق کے تقریباً ایک برس بعد اب دوبارہ شادی کے لیے تیار ہیں۔ اس حوالے سے میڈیا نے تصدیق کرتے ہوئے بتایا کہ کئی ہٹ تیلگو اور تامل فلموں میں لازوال کردار ادا کرنے والی 35 سالہ اداکارہ نے یوگا گرو سدھگورو جگدیش وسدیو کی جانب سے راضی کرنے پر ہاں کردی ہے۔دلچسپ امر یہ ہے کہ چند ہفتے قبل بھارتی ٹیلی ویڑن کے معروف ٹاک شو کافی ود کرن میں ان کا کہنا تھا کہ وہ کسی محبت کی متلاشی نہیں ہیں۔انہوں نے اس موقع پر یہ بھی تسلیم کیا کہ وہ اور سابق شوہر ایک دوسرے کو ناپسند کرتے ہیں۔

Related Articles