بپاشا باسو کےیہاں جلد ننھے مہمان کی آمد متوقع

ممبئی،جولائی ۔ بالی ووڈ اداکارہ بپاشا باسو کے ہاں جلد ننھے مہمان کی آمد متوقع ہے جس کا اعلان وہ بہت جلد کریں گی۔میڈٰیا میڈیا رپورٹس کے مطابق بپاشا باسو اور کرن سنگھ گروور بطورِ والدین اپنے نئے سفر کے لیے بہت پْرجوش ہیں، یہ جوڑا جلد ہی اپنے نومولود بچے کو دْنیا میں خوش آمدید کہے گا۔رواں سال مارچ میں بپاشا باسو کے حاملہ ہونے کی افواہیں گردش کرنے لگیں، جوڑے کے قریبی ذرائع کے مطابق، جوڑی بہت خوش ہے اور پہلی بار والدین بننے پر بہت پْرجوش ہے۔ذرائع کے مطابق بپاشا اور کرن جلد ہی یہ خوشخبری اپنے دوستوں، خاندان اور مداحوں کے ساتھ سوشل میڈیا پر شیئر کریں گے۔واضح رہے کہ بپاشا اور کرن سنگھ گروور کی ملاقات بھوشن پٹیل کی 2015 کی ہارر فلم ‘الون؛ کے سیٹ پر ہوئی تھی۔ وہ محبت میں گرفتار ہوئے اور اپریل 2016 میں شادی کے بندھن میں بندھ گئے۔