رنویر سنگھ کابرہنہ فوٹو شوٹ وائرل ، انٹرنیٹ پر ہنگامہ برپا ہوگیا

ممبئی،جولائی۔ بالی ووڈ اداکار رنویر سنگھ نے حال ہی میں ایک برہنہ فوٹوشوٹ کرایا ہے جس کے سوشل میڈیا پر خوب چرچے ہیں اور لوگ بھانت بھانت کی میمز پوسٹ کر رہے ہیں۔ ڈیلی ڈان کے مطابق رنویر سنگھ کے اس فوٹوشوٹ کے ذریعے 70کی دہائی کے معروف پاپ گلوکار برٹ رینالڈز کو خراج تحسین پیش کیا گیا ہے، جنہوں نے 1972ء میں کاسموپولیٹن میگزین کے لیے برہنہ فوٹوشوٹ کرایا تھا۔ انٹرنیٹ پر وائرل ہونے والی تصاویر میں اداکار کو مکمل برہنہ حالت میں مختلف پوز دیتے ہوئے دیکھا جا سکتا ہے۔ ان تصاویر پر جوابی ٹویٹ میں ایک صارف نے لکھا ہے کہ ’’جب رنویر کی یہ ٹویٹ میرے سامنے آئی تو میری دادی میرے پاس بیٹھی تھی اور فون کی سکرین پر ہی دیکھ رہی تھی۔‘‘ایک اور صارف نے رنویر کی ایک برہنہ تصویر پر لکھا ہے کہ ’’میں، اپنی پوری تنخواہ سوئیگی اور زوماٹو پر اڑانے کے بعد۔‘‘ایک صارف نے فوٹوشوٹ میں رنویر کی قالین پر لیٹے ہوئے بنائی گئی تصویر شیئر کرتے ہوئے لکھا کہ ’’کاکروچ، رات کو کچن کی لائٹ جلنے کے بعد۔‘‘ایک اور شخص نے اسی تصویر پر لکھا ہے کہ ’’میں تین سال کی عمر میں جب نہانے سے انکار کرتا تھا۔‘‘ایک صارف نے معروف گیت کے مصرعے ’تو ننگا ہی تو آیا ہے، کیا گھنٹہ لے کر جائے گا‘ شیئر کرتے ہوئے لکھا کہ ’’رنویر سنگھ اس گیت کو سنجیدہ ہی لے گئے ہیں۔‘‘