سمیع کی دبئی پہنچنے پر آئی پی ایل کی تیاری

نئی دہلی ،ندستانی کرکٹ ٹیم کے سرکردہ تیز گیند باز محمد سمیع نے دبئی پہنچنے کے بعد آئی پی ایل کی تیاری شروع کردی ہے ۔ کنگز الیون پنجاب نے اس سلسلے میں سمیع کی ورزش کی ایک ویڈیو ٹویٹر پر شیئر کی ہے۔
آئی پی ایل 2020 کی تمام فرنچائز ٹیمیں آئی پی ایل کے 13 ویں سیزن کے لئے متحدہ عرب امارات پہنچ گئی ہیں۔ اب تمام کھلاڑیوں کو 6 دن تک آئی پی ایل پروٹوکوس کے تحت قرنطین میں رہنا پڑے گا اور ساتھ ہی وہ کورونا ٹیسٹ سے بھی گزرنا پڑے گا۔ کھلاڑی اپنا وقت ہوٹل کے کمرے میں آئسولیشن میں گزار رہے ہیں۔ ہوٹل کے کمرے میں رہنے کے علاوہ کھلاڑی اپنی فٹنس پر بھی دھیان دے رہے ہیں ۔
سمیع ورزش کے روٹین پر سختی سے عمل کر رہے ہیں۔ واضح رہے کہ سمیع کنگز الیون پنجاب کے لئے بہت اہم بولر ہیں۔ 2019 کے آئی پی ایل میں فاسٹ بولر نے 14 میچ کھیلتے ہوئے 19 وکٹیں حاصل کی تھیں۔ گذشتہ سیزن میں سمیع پنجاب کے لئے سب سے زیادہ وکٹ لینے والے کھلاڑی بھی تھے۔ یہ آئی پی ایل سمیع کے لئے خصوصی ہونے جا رہا ہے۔ آئی پی ایل کے بعد ہندوستانی ٹیم کو آسٹریلیا کے دورے پر جانا ہے۔ ایسی صورتحال میں سمیع آئی پی ایل کے دوران بولنگ میں تال حاصل کرنے کی کوشش کریں گے۔
محمد سمیع نے اپنے آئی پی ایل کیریئر میں 51 میچ کھیلے ہیں اور اس دوران انہوں نے 40 وکٹیں حاصل کی ہیں۔ سمیع آئی پی ایل میں دہلی ٹیم کا بھی حصہ رہے ہیں۔ کورونا دور سے پہلے سمیع نے اپنی بالنگ سے سب کو راغب کیا۔ اب تک سمیع نے اپنے بین الاقوامی کیریئر میں 336 وکٹیں حاصل کی ہیں۔ سمیع 2020 کے آئی پی ایل میں پنجاب کی ٹیم کے لئے ایک بار پھر بہت اہم ہونے جا رہے ہیں۔