سدھارتھ ملہوترا شوٹنگ کے دوران زخمی

ممبئی ،مئی ۔بالی ووڈ کے نامور اداکار سدھارتھ ملہوترا اپنی نئی ویب سیریز کی شوٹنگ کے دوران زخمی ہوگئے۔میڈیا کی رپورٹ کے مطابق سدھارتھ ان دنوں فلم ساز روہت شیٹھی کی ہدایت کاری میں بننے والی ویب سیریز ’انڈین پولیس فورس‘ کی شوٹنگ میں مصروف ہیں اور اسی دوران ہی وہ زخمی ہوئے۔رپورٹ میں بتایا گیا کہ اداکار ایک فائٹ سین کے دوران شیشہ لگنے سے زخمی ہوئے، ان کے ایک ہاتھ پر زخم آئے۔سدھارتھ ملہوترا نے سماجی رابطے کی فوٹو اور ویڈیو شیئرنگ ایپ انسٹاگرام پر شوٹنگ سین کی مختصر ویڈیو اور روہت شیٹھی کے ساتھ سیلفی شیئر کی، تصویر میں ڈائریکٹر کو مسکراتے ہوئے دیکھا جاسکتا ہے۔خیال رہے کہ ’انڈین پولیس فورس‘ کی شوٹنگ شہر ’گوا‘ میں ہورہی ہے۔ یہ ویب سیریز سٹریمنگ پلیٹ فارم ’او ٹی ٹی‘ پر جاری کی جائے گی جبکہ اسی پروجیکٹ کے ذریعے سدھارتھ کا او ٹی ٹی پر ڈیبیو ہوگا۔