حجاب پر پابندی کیخلاف سوال اٹھانا سونم کپور کو مہنگا پڑگیا

ممبئی ،فروری۔کرناٹک کے تعلیمی اداروں میں حجاب پر پابندی کیخلاف سونم کپور کی جانب سیسوشل میڈیا پر پیغام دینا انتہاپسندوں کو پسند نہ آیا اور بالآخر اداکارہ کو اپنی پوسٹ ہی ڈیلیٹ کرنا پڑگئی۔سونم کپور نے انسٹاگرام سٹوری پر پگڑی میں ملبوس مرد اور حجاب میں ملبوس عورت کی تصویر شیئر کی۔اداکارہ نے اپنی پوسٹ میں سوال کیا کہ اگر پگڑی کا انتخاب کیا جاسکتا ہے کہ تو پھر حجاب کیوں نہیں اوڑھا جاسکتا، سونم کپور کی پوسٹ پر بھارتی انتہاپسندوں نے خوب تنقید کی اور اداکارہ کو پوسٹ ڈیلیٹ کرنے پر مجبور کر دیا۔یاد رہے کہ کرناٹک سمیت دیگر بھارتی ریاستوں میں حجاب کا تنازع اس وقت شروع ہوا جب کرناٹک حکومت نے 5 فروری کو تمام سکولوں اور کالجوں میں ڈریس کوڈ کو لازمی قرار دینے کا حکم جاری کیا تھا۔اس تنازع پر پوجا بھٹ، سوارا بھاسکر، جاوید اختر، شبانہ اعظمی ، کمال راشد خان و دیگر بالی ووڈ ستارے اپنے اپنے تبصرے کر چکے ہیں۔