شاہ رخ نے اپنے میگا پروجیکٹس کی شوٹنگ کا دوبارہ آغاز کردیا

ممبئی ،فروری۔بولی وڈ کیکنگ خان شاہ رخ نے بالآخراپنے میگا پروجیکٹس کی شوٹنگ کادوبارہ آغازکر دیا ہے۔گزشتہ سال اپنے بیٹے آریان کی ،منشیات اسمگلنگ کیس میں گرفتاری کے بعد شاہ رخ خان نے شوٹنگ کے تمام شیڈول منسوخ کر دیے تھے۔ اطلاعات تھیں کہ اداکار نے اپنے پروجیکٹس کے ڈائریکٹرز سے بھی ایسا شوٹنگ شیڈول ترتیب دینے کی درخواست کی تھی کہ اس دوران اپنی فیملی کو بھی وقت دے سکیں۔تازہ ترین اطلاعات کیمطابق شاہ رخ بالآخرمارچ2022 میں راجکمارہیرانی کیلئے اپنی اگلی فلم کی شوٹنگ کا آغاز کررہے ہیں۔ راجکماراس سے قبل باکس آفس پربڑا بزنس کرنے والوی فلموں سنجواور تھری ایڈیٹس سے کافی نام کماچکے ہیں۔ شاہ رخ کے ساتھ ان کی پہلی فلم ہوگی۔اس سے قبل شاہ رخ آنے والی ایکشن فلم ‘پٹھان’ کی شوٹنگ میں مصروف تھے جس کی کاسٹ میں دپیکا پڈوکون اور جان ابراہم بھی شامل ہیں۔یاد رہے کہ آریان کو بھارتی نارکوٹکس کنٹرول بیورو نے 7افراد سمیت اکتوبر 2021 کی شب خفیہ اطلاع پرممبئی کی بندرگاہ پرکروز شپ میں ہونے والی پارٹی پرچھاپے کے دوران گرفتارکیا تھا۔ بعد ازاں انہیں 14 روزہ جوڈیشل ریمانڈ کے بعد 8 اکتوبر سے آرتھرروڈ جیل میں قید رکھا گیا تھا، اس دوران آریان کی درخواست ضمانت 2بارمنسوخ کی گئی۔تقریباً ایک ماہ بعد ضمانت دیے جانے کے بعد ایان کو اپنا پاسپورٹ سپرد کرنا پڑا اور ایک ماہ کے لیے نارکوٹکس کنٹرول بیورو میں ہفتہ وار حاضری بھی لگوانی پڑی۔نومبر میں یہ خبریں سامنے آئی تھیں کہ شاہ رخ اپنے ذاتی باڈی گارڈ کو ایان کی حفاظت پرمامورکرنے کے بعداپنے لیے ایک نئے باڈی گارڈ کی تلاش میں ہیں۔