سی جے پی کے رہنما سورَو داس اور آشو توش رانکا پانچ دن کی عدالتی حراست میں

نئی دہلی، جنتر منتر پر احتجاج کے معاملے میں کاکروچ جنتا پارٹی (سی جے پی) کے دو رہنماؤں کو پانچ دن کی عدالتی حراست میں بھیج دیا گیا ہے۔ اسپیشلایگزیکٹیو مجسٹریٹ نے سورَو داس اور آشو توش رانکا کو عدالتی حراست میں بھیجنے کا حکم دیا۔دراصل، دہلی پولیس نے سی جے پی کے ترجمان سورَو داس، آشو توش رانکا اور اجنکیا شندے سمیت 14 ارکان کے خلاف کناٹ پلیس اور پارلیمنٹ اسٹریٹ پولیس اسٹیشنوں میں الگ الگ دو ایف آئی آر درج کی ہیں۔ پولیس کے مطابق، 13 اکتوبر کو سی جے پی کے یہ ارکان ممنوعہ جنتر منتر پر ایک نجی احاطے کے راستے پہنچے اور پولیس اہلکاروں کے کام میں رکاوٹ ڈالی۔ اس کے بعد پولیس نے تینوں رہنماؤں کو حراست میں لے لیا تھا۔
تینوں کو آج صبح اسپیشل ایگزیکٹیو مجسٹریٹ کے سامنے پیش کیا گیا، جس کے بعد سورَو داس اور آشو توش رانکا کو پانچ دن کی عدالتی حراست میں بھیج دیا گیا، جبکہ اجنکیا شندے کو چھ ماہ تک امن برقرار رکھنے کے لیے پانچ ہزار روپے کے مچلکے پر پابند کیا گیا۔دہلی پولیس نے جنتر منتر کو سرکاری احتجاجی مقامات کی فہرست سے ہٹا دیا ہے۔ اس کا مطلب ہے کہ اب جنتر منتر پر کوئی احتجاج نہیں کیا جا سکتا۔ سی جے پی کے رہنماؤں نے اسی فیصلے کے خلاف احتجاج کیا تھا۔