باکس آفس پر سدھارتھ-تمنا کی فلم ’دی ون‘ کا جلوہ

ممبئی، سدھارتھ ملہوترا اور تمنا بھاٹیا کی فلم ’دی ون‘ نے باکس آفس پر تیسرے دن اپنی کمائی میں تیزی درج کی ہے۔ سیکنلک کے مطابق فلم نے اتوار کو 14 کروڑ روپے کا کاروبار کیا، جبکہ پہلے دن 8 کروڑ اور دوسرے دن 11.25 کروڑ روپے کمائے تھے۔ اس طرح تین دن میں فلم کا ہندوستان میں نیٹ کلیکشن 33.25 کروڑ روپے ہوگیا ہے۔ وہیں، فلم نے دنیا بھر میں 43.15 کروڑ روپے کا گراس کلیکشن کیا ہے اور 50 کروڑ روپے کے ہندسے کے قریب پہنچ گئی ہے۔ فلم میں سنیل گروور، منیش پال اور شویتا تیواری بھی اہم کرداروں میں ہیں۔
دوسری جانب، نانی کی فلم ’دی پیراڈائز‘ کی باکس آفس پر کامیابی کا سلسلہ جاری ہے۔ فلم نے اتوار کو چوتھے دن تمام زبانوں میں 15.70 کروڑ روپے کا کاروبار کیا۔ ابتدائی تین دن میں 64.80 کروڑ روپے کی کمائی کے ساتھ فلم کا ہندوستان میں نیٹ کلیکشن اب 80.50 کروڑ روپے ہوگیا ہے۔ اس طرح فلم 100 کروڑ روپے کے ہندسے کی جانب بڑھ رہی ہے۔ دنیا بھر میں ’دی پیراڈائز‘ اب تک 138.25 کروڑ روپے کا گراس کلیکشن کرچکی ہے۔ فلم میں نانی کے ساتھ راگھو جویال، موہن بابو اور سونالی کلکرنی بھی نظر آ رہے ہیں۔