نائب صدرِ جمہوریہ جناب سی۔ پی۔ رادھا کرشنن کی گوہاٹی میں گیتانگر کالج کی گولڈن جوبلی تقریبات میں شرکت

ہندوستان کے نائب صدر جمہوریہ جناب سی۔ پی۔ رادھا کرشنن نے آج گوہاٹی میں واقع گیتانگر کالج، جو پہلے کنیا مہا ودیالیہ کے نام سے معروف تھا، کی گولڈن جوبلی تقریبات میں شرکت کی۔ انہوں نے کالج کی نئی تعلیمی عمارت کا بھی افتتاح کیا۔

ادارے کو اعلیٰ تعلیم کے لیے پانچ دہائیوں پر محیط مخلصانہ خدمات مکمل کرنے پر مبارکباد دیتے ہوئے جناب رادھا کرشنن نے کہا کہ گیتانگر کالج نے آسام کی تعلیمی اور سماجی ترقی میں نمایاں کردار ادا کیا ہے، بالخصوص تعلیم، علم اور اعتماد کے ذریعے نوجوان خواتین کی نسلوں کو بااختیار بنانے میں اہم خدمات انجام دی ہیں۔

مجمع سے خطاب کرتے ہوئے نائب صدرِ جمہوریہ نے آسام کو مالا مال ثقافتی ورثے اور روایات کی سرزمین قرار دیا۔ انہوں نے آسام کی زبانوں، ادب، موسیقی، رقص، رنگ منچ اور مقامی روایات کے ذریعے ہندوستان کے ثقافتی منظرنامے میں اس کی منفرد خدمات کو اجاگر کیا۔ انہوں نے لاچیت بارفوکن کی شجاعت اور حب الوطنی کو بھی یاد کیا، جو آج بھی ملک کے لیے مستقل تحریک کا ذریعہ ہیں۔

نائب صدرِ جمہوریہ نے شمال مشرقی خطے کی ترقی اور پیش رفت پر وزیرِ اعظم جناب نریندر مودی کی جانب سے دی جانے والی ترجیح کو اجاگر کیا۔ انہوں نے کہا کہ آسام اپنے بھرپور قدرتی وسائل، جنگلات اور دنیا بھر میں معروف چائے کے باعث بے پناہ صلاحیت رکھتا ہے اور ترقی کے ایک غیر معمولی دور سے گزر رہا ہے۔

تعلیم کے تبدیلی لانے والے کردار پر زور دیتے ہوئے جناب سی۔ پی۔ رادھا کرشنن نے کہا کہ اعلیٰ تعلیمی اداروں کو محض طلبہ کو روزگار کے لیے تیار نہیں کرنا چاہیے بلکہ ایسے ذمہ دار شہری بھی پروان چڑھانے چاہئیں جو جمہوریت، آئینی اقدار، سماجی ذمہ داری اور قومی تعمیر کے لیے پُرعزم ہوں۔

نائب صدرِ جمہوریہ نے طلبہ اور وہاں موجود افراد کو ’منشیات کو مسترد‘کرنے کا عہد دلایا اور نوجوانوں پر زور دیا کہ وہ منشیات سے دور رہیں اور اپنے دوستوں کو بھی ایسا کرنے کی ترغیب دیں۔ انہوں نے اس بات پر زور دیا کہ طلبہ کو ذمہ دارانہ فیصلے کرنے چاہئیں اور اپنے وقت، صحت اور مستقبل کی حفاظت کرنی چاہیے۔

انہوں نے کہا کہ ہندوستان کی نوجوان آبادی اس کی سب سے بڑی طاقت ہے اور مصنوعی ذہانت، رقمی ٹیکنالوجی، حیاتیاتی ٹیکنالوجی، خلائی تحقیق اور کاروباری سرگرمیوں جیسے شعبوں میں پیدا ہونے والے مواقع نوجوانوں کو ترقی یافتہ ہندوستان کی تعمیر میں قائدانہ کردار ادا کرنے کے قابل بنا سکتے ہیں۔ائب صدرِ جمہوریہ نے وزیرِ اعلیٰ ڈاکٹر ہیمنتا بسوا سرما کی قیادت میں آسام میں ہونے والی پیش رفت اور تبدیلی کو سراہا۔ انہوں نے کہا کہ حالیہ برسوں میں آسام ملک کی تیزی سے ترقی کرنے والی ریاستی معیشتوں میں سے ایک بن کر ابھرا ہے اور اس کی معیشت میں نمایاں وسعت آئی ہے۔ انہوں نے صحتِ عامہ، تعلیم، بنیادی ڈھانچے، روزگار اور آفات سے نمٹنے کے انتظام کے شعبوں میں کی جانے والی بڑی سرمایہ کاری کے ساتھ ساتھ چائے کے باغات سے وابستہ برادریوں کی ترقی کو بھی اجاگر کیا۔س موقع پر آسام کے گونر جناب لکشمن پرساد آچاریہ، آسام کے وزیرِ اعلیٰ ڈاکٹر ہیمنتا بسوا سرما، آسام کے وزیرِ تعلیم ڈاکٹر رنوج پیگو، آسام کے چیف سیکریٹری ڈاکٹر روی کوٹا، محکمۂ اعلیٰ تعلیم کے کمشنر و سیکریٹری جناب نارائن کونور، گیتانگر کالج کے پرنسپل ڈاکٹر ستیہ جیت کالیٹا اور دیگر معزز شخصیات بھی موجود تھیں۔اس سے قبل نائب صدرِجمہوریہ کا گوہاٹی کے لوک پریہ گوپی ناتھ بوردولوئی بین الاقوامی ہوائی اڈے پر آسام کے معزز گورنر جناب لکشمن پرساد آچاریہ، آسام کے معزز وزیرِ اعلیٰ ڈاکٹر ہیمنتا بسوا سرما اور دیگر معزز شخصیات نے استقبال کیا۔