مرکزی وزیر ارجن میگھوال منگل کو 58ویں یوتھ پارلیمنٹ مقابلہ 2025-26 کے فاتحین کو انعامات دیں گے
نئی دہلی، 24 اگست مرکزی وزیر مملکت برائے قانون و انصاف ارجن رام میگھوال منگل کو 58ویں یوتھ پارلیمنٹ مقابلہ 2025-26 میں نمایاں کارکردگی کا مظاہرہ کرنے والے دارالحکومت کے طلبہ کو انعامات سے نوازیں گے۔ ان م
یں دہلی کے محکمہ تعلیم اور این ڈی ایم سی کے تحت آنے والے اسکولوں کے طلبہ شامل ہوں گے۔
وزارتِ پارلیمانی امور کے مطابق، انعامات کی تقسیم کی تقریب پارلیمنٹ ہاؤس کے جی ایم سی بالایوگی آڈیٹوریم میں منعقد ہوگی۔ مقابلے میں پہلی پوزیشن پتم پورہ کی پرواں روڈ پر واقع بال بھارتی پبلک اسکول نے حاصل کی ہے۔ اس کے علاوہ بہترین کارکردگی کا مظاہرہ کرنے والے مزید 11 اسکولوں کو بھی میرٹ ٹرافی دی جائے گی۔
یوتھ پارلیمنٹ مقابلے کا مقصد نوجوان نسل میں خود نظم و ضبط، مختلف آرا کے تئیں رواداری، خیالات کے غیر جانب دارانہ اظہار اور جمہوری طرزِ زندگی کی دیگر خوبیوں کو فروغ دینا ہے۔ اس کے علاوہ طلبہ میں خود اعتمادی، قیادت کی صلاحیت، مؤثر تقریر اور دیگر عملی مہارتیں بھی پیدا ہوتی ہیں۔
واضح رہے کہ یوتھ پارلیمنٹ مقابلہ پروگرام کے تحت اس سلسلے کا 58واں مقابلہ 2025-26 میں قومی دارالحکومت دہلی میں منعقد کیا گیا تھا۔
دارالحکومت کے ان 11 اسکولوں میں دوارکا سیکٹر-22 کا ڈاکٹر بی آر امبیڈکر سی ایم سری اسکول، پیشوا روڈ کا نویوگ اسکول، ایس پی مکھرجی مارگ کا پریزنٹیشن کانونٹ سینئر سیکنڈری اسکول، بابا نیم کروڑی سروودیا کنیا ودیالیہ (بی این کے ایس کے وی، زون پور)، سروودیا کنیا ودیالیہ (پہلاد پور)، سروودیا بال ودیالیہ نمبر ایک (اردو میڈیم، جامع مسجد)، اٹل آدرش ودیالیہ (گول مارکیٹ)، ڈاکٹر بی آر امبیڈکر سی ایم سری اسکول (سیکٹر 17، روہنی)، سروودیا کنیا ودیالیہ نمبر ایک (یمنا وہار، سی بلاک)، ایشانی سروودیا کنیا ودیالیہ(جی بلاک، ساکیت)اور کیرالہ سینئر سیکنڈری اسکول (وکاس پوری)شامل ہیں۔
