کوئلے کی ڈھلائی سے بھی حکومت اڈانی کو فائدہ پہنچا رہی ہے: منیش

نئی دہلی، فروری ۔ لوک سبھا میں کانگریس کے منیش تیواری نے حکومت پر الزام لگایا ہے کہ وہ پنجاب کے لئے کوئلے کی ڈھلائی کے ذریعے بھی ملک میں کئی اہم بندرگاہوں کو چلا رہے اڈانی گروپ کو فائدہ پہنچا رہی ہے۔ مسٹر تیواری نے وقفہ صفر کے دوران یہ معاملہ اٹھایا اور کہا کہ سمندری راستے سے پنجاب کو کوئلہ سپلائی کیا جا رہا ہے اور کوئلہ سمندری راستے سے پنجاب پہنچایا جا رہا ہے۔ انہوں نے کہا کہ وزارت ریلوے نے ریل کے ذریعے کوئلے کی سپلائی پر پابندی عائد کر رکھی ہے اور یہ تمام اقدامات حکومت کے اشارے پر اٹھائے گئے ہیں۔انہوں نے کہا کہ 1500 کلو میٹر کا فاصلہ طے کرنے والا کوئلہ سمندری راستے سے پنجاب پہنچایا جا رہا ہے اور اس کا براہ راست فائدہ اڈانی گروپ کو مل رہا ہے۔ اڈانی گروپ وہ گروپ ہے جو ملک کی بڑی بندرگاہوں کا مالک ہے اور گجرات کی بندرگاہیں بھی اسی گروپ کی سرپرستی میں چل رہی ہیں۔کانگریس لیڈر نے کہا کہ حکومت نے اس گروپ کو فائدہ پہنچانے کے لیے ریل کے بجائے سمندری راستے سے کوئلہ سپلائی کرنے کا منصوبہ بنایا ہے، جو غلط ہے۔ انہوں نے مرکزی حکومت سے اس فیصلے کو واپس لینے کا مطالبہ کیا ہے۔