رجنی کانت اور اے آر رحمان کی بچوں کے ہمراہ طیارے میں خوبصورت تصویر

ممبئی،دسمبر۔اے آر رحمان اور رجنی کانت کو آندھرا پردیش کی درگاہ میں ایک ساتھ دیکھا گیا تھا تب سے ہی دونوں شخصیات ہیڈلائنز میں چھائی ہوئی ہیں۔اب اے آر رحمان کے صاحبزادے آے آر امین نے چند تصاویر شیئر کی ہیں، جس میں وہ، ان کے موسیقار والد، سپر اسٹار رجنی کانت اور ان کی بیٹی ایشوریا رجنی کانت ایک طیارے میں محوِ سفر ہیں۔تصاویر میں اے آر رحمان کی کھینچی گئی سیلفیز میں سب کو نہایت خوش دیکھا گیا۔چند روز قبل ایک مداح نے رجنی کانت اور اے آر رحمان کی ویڈیو شیئر کی تھی جس میں وہ ایک درگاہ میں داخل ہو رہے تھے اور وہاں موجود معتقدین انہیں پھولوں کے ہار پہنا رہے تھے۔