مہاراشٹر میں کورونا کے 2,279 نئے معاملے، 6 نئی اموات

اورنگ آباد/ممبئی، جولائی۔مہاراشٹر میں کورونا وائرس کے انفیکشن کے بڑھتے ہوئے کیسوں میں گزشتہ 24 گھنٹوں کے دوران 2,279 نئے کیس رپورٹ ہوئے اور چھ نئی اموات ہوئیں۔ یہ معلومات بدھ کو ہیلتھ بلیٹن میں دی گئی۔ نئے کیسز کے ساتھ متاثرہ افراد کی کل تعداد 80,22,781 ہو گئی ہے جبکہ اس بیماری سے مرنے والوں کی تعداد 1,48,032 ہو گئی ہے۔اسی عرصے میں 2 ہزار 279 مریض صحت یاب ہو چکے ہیں اور اس کے ساتھ ہی کورونا سے پاک ہونے والوں کی تعداد 78 لاکھ 59 ہزار 960 ہو گئی ہے۔ اس مدت کے دوران ریاست میں صحت یاب ہونے کی شرح 97.97 فیصد ریکارڈ کی گئی اور شرح اموات 1.84 فیصد پر برقرار ہے۔بلیٹن میں کہا گیا ہے کہ ریاست میں اس وقت 14,789 ایکٹیو کیسز ہیں اور اس کے مریض مختلف اسپتالوں میں زیر علاج ہیں۔دریں اثنا، ریاست کے مراٹھواڑہ علاقے سے 112 فعال معاملات کی تصدیق ہوئی ہے، جن میں سے 41 اورنگ آباد ضلع، 31 جالنا، عثمان آباد، 10 ناندیڑ، 9 بیڈ اور ایک ہنگولی سے تصدیق ہوئی ہے۔