میرے والد اپنے کیرئیر کا کریڈٹ بپی لہری کو دیتے ہیں، اننیا پانڈے

ممبئی،فروری۔بالی ووڈ کی اْبھرتی ہوئی اداکارہ اننیا پانڈے کا کہنا ہے کہ اْن کے والد چنکی پانڈے اپنے کیریئر کا کریڈٹ ہمیشہ بپی لہری کو دیتے ہیں۔اننیا پانڈے نے حال ہی میں اپنے ایک انٹرویو میں اپنے والد چنکی پانڈے اور آنجہانی گلوکار پبی لہری کے آپس میں تعلقات کے بارے میں بات کی۔اْنہوں نے کہا کہ’ہم سب بپی دا کی موسیقی کے مداح ہیں اور ہمیں ایسا محسوس ہوا کہ انڈسٹری نے اپنا ایک سنہری دلکشی کو کھودیا ہے‘۔اْنہوں نے مزید کہا کہ’میرے والد اپنے کیریئر کا کریڈٹ ہمیشہ بپی دا کو دیتے ہیں کیونکہ انہوں نے میرے والد کے سب سے مشہور گانے بنائے ہیں، اب چاہے وہ (لال دوپٹے والی) ہو یا (ٹوٹک ٹوٹک) ہو‘۔اداکارہ کا کہنا تھا کہ’میرے والد کی ان کے ساتھ بہت سی پیاری یادیں ہیں، اور ہم سب ان کی کمی محسوس کریں گے، لیکن اس کی موسیقی ہمیشہ زندہ رہے گی‘۔خیال رہے کہ بپی لہری کے انتقال پر چنکی پانڈے نے اپنے انسٹاگرام اکاؤنٹ پراظہارِ افسوس کرتے ہوئے بپی لہری کے ساتھ کئی یادگار تصاویر شیئر کی تھیں۔