جاپانی وزیر خارجہ کواڈ میٹنگ میں شرکت کے لیے پہنچے

نئی دہلی، مارچ۔ جاپان کے وزیر خارجہ یوشیماسا حیاشی کواڈ وزرائے خارجہ کی میٹنگ میں شرکت کے لیے جمعہ کو یہاں پہنچے۔وزارت خارجہ کے ترجمان ارندم باگچی نے ٹویٹ کیا، "ہندوستان کی میزبانی میں کواڈ وزرائے خارجہ کی میٹنگ کے لیے جاپانی وزیر خارجہ یوشیماسا حیاشی کا پرتپاک خیرمقدم۔”انہوں نے مزید کہا کہ یہ میٹنگ ہندوستان، امریکہ، جاپان اور آسٹریلیا کے چار وزرائے خارجہ کے لئے ہند-بحرالکاہل اور دیگر علاقائی امور پر حالیہ پیش رفت پر تبادلہ خیال کرنے کا ایک موقع ہوگا۔امریکی وزیر خارجہ اینٹونی بلنکن اور آسٹریلیا کے وزیر خارجہ پینی وونگ پہلے ہی دہلی میں ہیں۔ دونوں رہنما یہاں جی 20 وزرائے خارجہ کی میٹنگ میں شرکت کے لیے آئے ہیں۔وزارت خارجہ کی طرف سے جاری کردہ ایک بیان میں کہا گیا ہے کہ میٹنگ میں شامل رہنما انڈو پیسیفک خطے میں حالیہ پیش رفت اور باہمی دلچسپی کے علاقائی مدوں پر تبادلہ خیال کریں گے، جو ایک آزاد، کھلے اورجامع انڈو پیسیفک کے ان کے وژن کی عکاسی کرے گا۔ اس کے ساتھ ہی وہ اپنے تعمیری ایجنڈے خطے کی عصری ترجیحات کو حل کرنے کے مقصد سے کئے گئے اقدامات کے نفاذ میں کواڈ کی پیش رفت کا بھی جائزہ لیں گے۔