ہمارے ڈی این اے میں جدت، تحقیق، انٹرپرائز، انٹرپرینیورشپ ہے، اور ہمیں یہی کرنا ہے- نائب صدر

نئی دہلی، مارچ۔نائب صدر، جناب جگدیپ دھنکھر نے ہندوستانی اختراعات، تحقیق اور صنعت کاری کی طاقت کو اجاگر کیا اور شہریوں سے ہندوستان کی بڑھتی ہوئی کامیابیوں پر فخر کرنے کی اپیل کی۔ وہ بنگلورو میں گوکل ایجوکیشن فاؤنڈیشن کے بانی چیئرمین مرحوم ڈاکٹر ایم ایس رامایاکی صد سالہ تقریبات سے خطاب کر رہے تھے۔ نائب صدر جمہوریہ نے سماجی تبدیلی کو فعال کرنے میں تعلیم کی اہمیت پر زور دیا۔ انہوں نے زور دے کر کہا کہ ہندوستان، قدیم زمانے سے ہی نالندہ، تکششیلا، ولبھی اور وکرم شیلا جیسے علمی مراکز کا گھر رہا ہے۔ جناب دھنکھر نے نئی تعلیمی پالیسی کی اہمیت پر زور دیا جس میں ہندوستان کے تعلیمی شعبے میں زیادہ سے زیادہ شمولیت اور عمدگی حاصل کی گئی ہے۔ این ای پی -2020 کو گیم چینجر کے طور پر بیان کرتے ہوئے، انہوں نے کہا کہ، "یہ ہمارے تعلیمی نظام میں انقلاب لائے گی، یہ ہمیں ڈگری پر مبنی ثقافت سے دور کر دے گی اور ہمیں پیداواری اور تخلیقی راستے پر گامزن کرے گی۔”طلباء کو تناؤ سے دور رہنے اور تناؤ سے گریز کرنے کا مشورہ دیتے ہوئے، انہوں نے ان سے کہا کہ وہ مسابقتی منظر نامے سے نہ الجھیں۔ کوشش کرنے میں ہچکچاہٹ نہ کریں کیونکہ غلطی ہو سکتی ہے۔ وہاں گرے بغیر کچھ بھی بڑا حاصل نہیں کیا جاسکتا ہے، ” نائب صدر نے انہیں بتایا۔ عالمی میدان میں ہندوستان کے بے خلل اور نہ رکنے والے عروج کی ستائش کرتے ہوئے شری دھنکھر نے کہا کہ دنیا ہندوستان کا احترام کرتی ہے اور ہندوستان کی آواز سنتی ہے۔پارلیمنٹ کو حکومت کو جوابدہ بنانے کا پلیٹ فارم بتاتے ہوئے نائب صدر جمہوریہ نے ایوان میں خلل کے بڑھتے ہوئے واقعات پر اپنی ناراضگی کا اظہار کیا۔ اس رجحان کو روکنے کے لیے ایک عوامی تحریک کا مطالبہ کرتے ہوئے، انہوں نے نوجوانوں سے اپیل کی کہ وہ قائل کرنے کے لیے رائے عامہ کو پیدا کریں اور اراکین پارلیمنٹ سے درخواست کی کہ وہ ایسے طرز عمل کی مثال پیش کریں جو سب کے لیے قابل تقلید ہے۔ہندستان کے نائب صدر کے طور پر جناب دھنکھر کا ریاست کرناٹک کا یہ پہلا دورہ ہے۔ کرناٹک راج بھون میں اپنے قیام کے دوران، انہوں نے کرناٹک کے وزیر اعلیٰ جناب بسواراج بومائی سمیت ریاست کے کئی معززین سے ملاقات کی۔اس سے پہلے دن میں انہوں نے ڈاکٹر سدیش دھنکھر کے ساتھ بنگلورو کے ڈوڈا گنپتی، بیل مندر اور گاوی گنگادھریشور مندر میں پوجا کی اور ملک کی امن و خوشحالی اور تمام شہریوں کی بھلائی کے لیے دعا کی۔اس موقع پر کرناٹک کے گورنر جناب تھاور چند گہلوت، حکومت کرناٹک کے وزیر قانون جناب جے سی مدھسوامی، ڈاکٹر ایم آر جے رام، گوکل ایجوکیشن فاؤنڈیشن کے چیئرمین، جناب ایم آر سیتارام، وائس چیئرمین، گوکل ایجوکیشن فاؤنڈیشن اور دیگر معززین موجود تھے۔