شیوراج نے 55 جوانوں کو آؤٹ آف ٹرن پرموشن دیا

بالاگھاٹ، فروری۔مدھیہ پردیش کے وزیر اعلی شیوراج سنگھ چوہان نے آج یہاں 55 جوانوں کو آؤٹ آف ٹرن پروموشن دے کر اعزاز سے نوازا۔مسٹر چوہان نے یہاں پولیس لائن میں جوانوں کواعزاز سے نوازتے ہوئے کہا کہ ہاک فورس اور پولیس جوانوں نے مشکل اور نامساعد حالات میں نکسلیوں کو نیست ونابود کرکے ان کے نیٹ ورک کو تباہ کر دیا۔ سال 2022 میں 1 کروڑ 18 لاکھ روپے کے 6 انعامی نکسلیوں کو مارگرانے میں ہمارے نوجوانوں کو کامیابی ملی ہے۔ آج میں ایسے بہادر سپاہیوں کی بہادری کو خراج تحسین پیش کرنے بالاگھاٹ آیا ہوں۔ فوجیوں کی عزت میں کوئی کمی نہیں آنے دوں گا۔ ریاستی حکومت ہمارے ان بہادر جوانوں کو خراج تحسین اور سلام پیش کر رہی ہے جنہوں نے نکسلیوں کے خاتمے کے لیے جان کی بازی لگانے والے جانباز جوانوں کوآؤٹ آف ٹرن پرموشن دے کر ان کی عزت افزائی کررہی ہے اور انہیں سیلوٹ کررہی ہے۔ ہم پولیس اور سیکورٹی فورسز کے جوانوں کے جذبے کو سلام پیش کرتے ہیں۔وزیراعلیٰ نے کہا کہ آج پولیس اہلکاروں کو آؤٹ آف ٹرن پرموشن دینے کا شاندار موقع ہے۔ نامساعد حالات میں ان جوانوں کی محنت کی وجہ سے ہمارے گاؤں اور شہر محفوظ ہیں۔ جب ہم اپنے گھر والوں کے ساتھ تہوار منا رہے ہوتے ہیں تو ہمارے جوان گھنے جنگلوں اور پہاڑوں پر اپنی جان خطرے میں ڈال کر ہماری حفاظت میں مصروف ہوتے ہیں۔ انہوں نے پولیس اور ہاک فورس کے جوانوں سے کہا کہ جب بھی وہ جنگل میں نکسل مخالف مہم میں جائیں تو خود کو تنہا نہ سمجھیں، وزیر اعلیٰ مسٹرچوہان اور مدھیہ پردیش حکومت بھی ان کے ساتھ ہے۔ انہوں نے کہا کہ سال 2022 نکسلیوں کے نیٹ ورک کو تباہ کرنے کا سال رہا ہے۔ ریاست کی تاریخ میں پہلی بار ایک سال میں 06 خوفناک نکسلائیٹس کو مارنے میں کامیابی ملی ہے۔ ہمارے جوانوں نے اپنی جان ہتھیلی پر رکھ کر اور سر پر کفن باندھ کر نامساعد حالات میں سخت جدوجہد کے بعد یہ کامیابی حاصل کی ہے۔ نکسلیوں کے ساتھ تصادم میں، انعامی نکسلیوں کو مارنے کے علاوہ، ہتھیار، نکسلی لٹریچر اور دھماکہ خیز مواد بھی برآمد کیا گیا ہے۔پولیس کے ڈائریکٹر جنرل سدھیر سکسینہ نے کہا کہ آج کا دن مدھیہ پردیش پولیس کے لیے ایک تاریخی دن ہے۔ ایک ساتھ 55 جوانوں کو شیڈول سے پہلے ترقی دی جا رہی ہے۔ ایک ساتھ اتنی بڑی تعداد میں ترقیاں پہلے کبھی نہیں دی گئیں۔ نکسلی مڈبھیڑ میں بہادری کا مظاہرہ کرنے والے ان 55 فوجیوں کو تمام رسمی کارروائیوں کو جلد مکمل کرنے کے بعد ترقی دی گئی ہے۔ انہوں نے کہا کہ 32 سال کی تاریخ میں پہلی بار ایک ہی سال میں 6 نکسلی مارے گئے ہیں۔پولیس سپرنٹنڈنٹ سمیر سوربھ نے بتایا کہ 30 نومبر 2022 کو بالاگھاٹ ضلع کے گڑھی تھانہ علاقے میں نکسلیوں کے ساتھ مڈبھیڑمیں ہاک فورس کے جوانوں نے 2 انعامی نکسلیوں کو ہلاک کر دیا تھا۔ اسی طرح، 18 دسمبر 2022 کو، پاتھری چوکی کے تحت ہراتولہ کے جنگل میں ایک مقابلے میں، سیکورٹی فورس کے اہلکاروں نے 1 انعامی مارا تھا۔ ان دونوں مقابلوں میں شامل تمام 55 جوانوں کو آؤٹ آف ٹرن پروموشن دیا جا رہا ہے۔