قومی جونیئر کھلاڑی مانسی اور سورج دہرادون پہنچے، دھامی سے ملاقات کی

دہرادون، نومبر۔ 37ویں قومی جونیئر ایتھلیٹکس چیمپئن شپ کے 10 کلومیٹر ریس واک میں قومی ریکارڈ کے ساتھ گولڈ میڈل جیتنے والی مانسی نیگی اور کھلاڑی سورج پنوار نے منگل کو وزیر اعلیٰ پشکر سنگھ دھامی سے وزیر اعلیٰ کی رہائش گاہ پر ملاقات کی۔مسٹر دھامی نے دونوں کھلاڑیوں کو ایک ایک لاکھ روپے دینے کا اعلان کیا۔ محکمہ کھیل کے قواعد و ضوابط کے مطابق تمغہ جیتنے پر جو رقم دی جاتی ہے، ان دونوں کھلاڑیوں کو بھی وہی رقم دی جائے گی۔ آنے والے کھیلوں کے لیے دونوں کھلاڑیوں کو نیک خواہشات دیتے ہوئے وزیر اعلیٰ نے کہا کہ ریاستی حکومت مستقبل میں بھی ایسے باصلاحیت کھلاڑیوں کو ہر ممکن مدد فراہم کرے گی۔وزیراعلیٰ نے دونوں کھلاڑیوں کے روشن مستقبل کی خواہش بھی کی ہے۔اس موقع پر ڈپٹی اسپورٹس آفیسر اور ان دونوں کھلاڑیوں کے کوچ انوپ بشٹ اور کھلاڑی منیش بشٹ موجود تھے۔