کانگریس کی دلت خیر خواہی محض ایک دکھاوا

لکھنؤ:اکتوبر۔اترپردیش کی سابق وزیر اعلی و بہوجن سماج پارٹی(بی ایس پی)سپریمو مایاوتی نے کانگریس کا صدر دلت سماج سے آنے والے ملکا رجن کھڑگے کو منتخب کئے جانے پر طنز کستے ہوئے کہا کہ کانگریس کی دلت خیر خواہی محض ایک دکھاوا ہے۔مایاوتی نے جمعرات کو کانگریس پر آئین اور دلت سماج کے معمار ڈاکٹر بھیم راؤ امبیڈکر کو نظر انداز کرنے کا الزام لگاتے ہوئے کہا کہ پارٹی کی تاریخ ہے کہ وہ دلتوں کو اپنے بدترین وقت میں "بلی کا بکرا” بناتی ہے۔ غور طلب ہے کہ بدھ کو کانگریس صدر کے لیے ووٹوں کی گنتی کے بعد کھرگے کو فاتح قرار دیا گیا تھا۔کانگریس صدر کے انتخاب پر طنز کرتے ہوئے، مایاوتی نے ٹویٹ کیا، "کانگریس کی تاریخ گواہ ہے کہ اس نے ہمیشہ دلتوں اور پسماندی طبقات کے مسیحا بابا صاحب ڈاکٹر بھیم راؤ امبیڈکر اور ان کے سماج کو نظر انداز کیا ہے۔ یہ پارٹی اپنے اچھے دنوں میں دلتوں کی حفاظت اور عزت کو یاد نہیں رکھتی بلکہ برے دنوں میں انہیں بلی کا بکرا بناتی ہے۔انہوں نے اس کی وضاحت کرتے ہوئے ایک دیگر ٹویٹ میں لکھا’مطلب کانگریس پارٹی کو اپنے اچھے دنوں کے طویل عرصے میں زیادہ تر غیر دلتوں کو اور موجودہ حالات جیسے برے دنوں میں دلتوں کو آگے رکھنے کی یاد آتی ہے۔کیا یہ فریب اور جعلی سیاست نہیں؟ لوگ پوچھتے ہیں، کیا یہی دلتوں کے تئیں کانگریس کی حقیقی محبت ہے؟ غور طلب ہے کہ حال ہی میں کانگریس نے دلت برادری سے تعلق رکھنے والے برج لال کھابری کو اتر پردیش میں پارٹی کے ریاستی صدر کے عہدے پر مقرر کیا ہے۔