سوتنتر دیو سنگھ نے اتر پردیش کے بی جے پی صدر کے عہدے سے دیا استعفیٰ

لکھنو:جولائی.سوتنتر دیو سنگھ نے اتر پردیش بی جے پی کے صدر کے عہدے سے استعفیٰ دے دیا ہے۔ ذرائع کے مطابق سوتنتر دیو سنگھ کے صدر کے عہدے کی مدت 16 جولائی کو ختم ہو گئی تھی۔ سوتنتر دیو نے اپنا استعفی قومی صدر جے پی نڈا کو بھیج دیا ہے۔ ذرائع کے مطابق یوپی بی جے پی کو 29 جولائی تک نیا ریاستی صدر مل سکتا ہے۔ دراصلبی جے پی نے 2024 کے لوک سبھا انتخابات کی تیاری شروع کر دی ہے۔
اس لیے بی جے پی ریاستی صدر کی ذمہ داری ملک کی سب سے بڑی ریاست میں ایک ایسے چہرے کو دینے کی تیاری کر رہی ہے جو پارٹی کی پالیسیوں کو نچلی سطح تک لے جانے میں کامیاب ہو۔ ایسے میں سوتنتر دیو سنگھ کے جانشین کے ناموں پر قیاس آرائیوں کا بازار گرم ہے۔ بی جے پی کے ریاستی صدر کے نام پر بھی یوپی کے سیاسی گلیاروں میں کافی چرچا ہے۔یوپی بی جے پی کے ذرائع کے مطابق پھر ریاستی صدر او بی سی یا برہمن برادری سے ہو سکتا ہے۔ یوپی میں 2014، 2017، 2019 اور 2022 کے انتخابات میں بی جے پی کی کارکردگی شاندار رہی ہے۔ ایسے میں بی جے پی ایک بار پھر لوک سبھا انتخابات 2024 میں بہتر کارکردگی کے منصوبے پر کام کر رہی ہے۔ حال ہی میں وزیر اعظم نریندر مودی نے وزیر اعلیٰ کی رہائش گاہ پر اپنے چار گھنٹے قیام کے دوران وزراء کے ساتھ ساتھ تنظیم کے لوگوں سے بات چیت کی۔