پریانکا چوپڑا نے اپنی مہنگی ترین گاڑی بیچ دی

ممبئی،مارچ۔عالمی شہرت یافتہ بالی ووڈ اداکارہ پریانکا چوپڑا نے اپنی رولز روائس گھوسٹ گاڑی بنگلور میں مقیم بزنس مین کو بیچ دی۔میڈیا رپورٹس کے مطابق پریانکا چوپڑا کی گاڑی فروخت کرنے کی وجہ یہ تھی کہ وہ اب مکمل طور پر امریکا منتقل ہوچکی ہیں اور یہ کار کافی عرصے سے بھارت میں اْن کے گیراج میں کافی عرصے سے غیر استعمال شدہ کھڑی تھی۔ پریانکا چوپڑا نے سال 2013 میں رولز روائس گھوسٹ کو ساڑھے چار کروڑ روپے کی رقم میں خریدا تھا۔رولز روائس گھوسٹ کچھ سال پہلے تک بالی ووڈ اداکاروں کی list- A اداکاروں میں مقبول انتخاب رہا ہے اور پریانکا اس لگڑری گاڑی کو لینے والی پہلی خواتین اداکاروں میں سے ایک تھیں۔ اداکارہ نے بھارت میں رہتے ہوئے باقاعدگی سے اس گاڑی کا استعمال کیا۔