سونووال ناگالینڈ کے دو روزہ دورے پر ہیں

کوہیما، مارچ۔ آیوش، بندرگاہوں، جہاز رانی اور آبی گزرگاہوں کے مرکزی وزیر سربانند سونووال دو روزہ دورے پر ناگالینڈ پہنچے ہیں۔سرکاری ذرائع کے مطابق مسٹر سونووال کا جمعرات کی رات دیما پور ہوائی اڈے پر آمد پر ناگالینڈ کے پانی کے تحفظ، ارضیات اور کان کنی کے وزیر کاشیہو سنگتم، مشیر تووی ہوتو، چوموکیڈیما کے ڈپٹی کمشنر اور دیگر حکام نے استقبال کیا۔کوہیما کے لیے روانگی سے قبل مسٹر سونووال نے ناگالینڈ کے وزیر اعلیٰ نیفیو ریو سے سوویما میں اپنی نجی رہائش گاہ پر ملاقات کی۔ذرائع نے بتایا کہ مسٹر سونووال آج (جمعہ) کو دیما پور لوٹیں گے اور ڈبرو گڑھ کے لیے روانہ ہوں گے۔ناگالینڈ کے وزیر برائے نقل و حمل، شہری ہوابازی، ریلویز و زمینی وسائل پی پیوانگ کونیاک نے کوہیما میں مسٹر سونووال سے ملاقات کی اور انہیں ٹیزو۔جونگکی ان لینڈ واٹر وے پروجیکٹ کے بارے میں بتایا جسے قومی آبی گزرگاہ-101 قرار دیا گیا ہے۔مسٹر پائیوانگ نے بتایا کہ آبی گزرگاہ کے منصوبے کا ڈی پی آر میسرز واپکوس نے تیار کیا تھا جسے کوہیما کے ایک ہوٹل میں ملاقات کے دوران مسٹر سونووال کے حوالے کیا گیا تھا۔انہوں نے اس یقین کا اظہار کیا کہ وزارت اس منصوبے کے پہلے مرحلے کو شروع کرنے کے لیے فنڈز کی منظوری دے گی۔ ریاست کے سینئر افسران، ان لینڈ واٹر ویز اتھارٹی آف انڈیا کے چیف انجینئر ایس وی کے ریڈی میٹنگ میں بھی موجود تھے۔مرکزی وزیر جمعہ کو کوہیما ضلع کے رضا چیڈیما میں انٹیگریٹڈ آیوش اسپتال کا افتتاح کریں گے اور ٹولی، میدجیفیما اور کیفیر میں انٹیگریٹڈ آیوش اسپتال کا جمعہ کو سنگ بنیاد رکھیں گے۔