ترک اداکارہ ’حلیمہ سلطان‘ کی نئی فلم کی ریلیز کا اعلان کر دیا گیا

استنبول ،مارچ۔ ترک سیریز ارطغرل غازی میں حلیمہ سلطان کا کردار نبھانے والی ترک اداکارہ اسرا بیلجک کی نئی فلمادانیش کتسال کاوگا کی ریلیز کی تاریخ کا اعلان ہوگیا۔اداکارہ اسرا بیلجک نے اپنی انسٹا سٹوری پر فلم کا ٹریلراور پوسٹر شیئر کیا ہے، فلم کے ٹریلر میں ایکشن سے بھرپور مناظر دیکھے جاسکتے ہیں۔اس کی کہانی ایک ایسے گروہ کے گرد گھومتی ہے جو ایک اہم راز کی حفاظت کے لیے منظم کیا گیا تھا جسے ترکوں نے استنبول فتح کرنے کے بعد حاصل کیا تھا۔ یہ گروہ اس راز کو حاصل کرنے کی جدوجہد کرنے والی تاریک قوتوں کے خلاف سخت جنگ کا سامنا کرتا ہے۔اداکارہ نے فلم کا ٹریلر شیئر کرتے ہوئے لکھا کہ فلم جو2019 میں شوٹ کی گئی تھی اور کورونا وبا کی وجہ سے تاخیر کا شکار ہوگئی تھی اب 11 مارچ کو سینما گھروں میں ریلیز کی جائے گی۔