ٹیم کی جیت میں اہم کردار ادا کرکے بہت اچھا لگا : کارتک تیاگی

دبئی ، ستمبر۔پنجاب کنگس کے خلاف یہاں منگل کے روز 20 اوور اور آخری اوور میں اپنی شاندارگیندبازی سے راجستھان رائلس کو ہارتا ہوا میچ جیتانے والے نوجوان تیزگیندباز کارتک تیاگی نے کہا کہ یقیناً جب آپ اپنی خاص کارکردگی سے ٹیم کو ہارتے ہوئے میچ میں جیت دلواتے ہیں تو بہت اچھا لگتا ہے۔ تیاگی نے میچ کے بعد کہا ، میں ہندوستان میں کھیلے گئے آئی پی ایل کے پہلے مرحلے کے دوران زخمی ہو گیا تھا اورجب تک میں فٹ ہوا تب تک ٹورنامنٹ ملتوی کر دیا گیا تھا۔ میں برسوں سے لوگوں سے بات کر رہا ہوں اور وہ مجھے بتاتے رہتے ہیں کہ چیزیں اس فارمیٹ میں بدلتی رہتی ہیں ، اس لیے مجھے اپنےخود پر اعتماد رکھنے کی ضرورت ہے۔ میں نے ہمیشہ ہر ایک سے سنا ہے اور اس فارمیٹ میں میچ دیکھے ہیں جہاں عجیب و غریب چیزیں ہوئی ہیں۔ آج مجھے ایک خاص کامیابی میں بڑا کردار ادا کرنے کا بہترین موقع ملا ۔ میں پہلے چھوٹی گیندیں کر رہا تھا ، لیکن بعد میں بہت زیادہ فیڈ بیک ملنے کے بعد ، اس پر چالاکی سے کام کیا۔