یوگی نے نوئیڈا میں 344 کروڑ روپے کی لاگت کے کوویڈ -19 اسپتال کا افتتاح کیا
اسپتال میں ضرورت کے مطابق بستروں کی تعداد بڑھاکر 400 کی جاسکتی ہے
نوئیڈا، وزیراعلی یوگی آدتیہ ناتھ نے ہفتے کو 344 کروڑ روپے کی لاگت سے سیکٹر -39 ضلع اسپتال عمارت میں 400 بستروں کے کوویڈ -19 اسپتال کا افتتاح کیا۔
فی الحال اسپتال میں صرف 167 بستوں پر ہی کورونا مریضوں کا علاج کیا جائےگا۔حال میں اس اسپتال میں تین آئی سی یو 28 بستر،ایک ایمرجنسی روم ،9 بستر اور دو وارڈ،65-65 بستروں کے علاوہ ڈائلسس یونٹ،سٹی اسکین،لیب کا انتظام کیا گیا ہے۔اسپتال میں ضرورت کے مطابق بستروں کی تعداد بڑھاکر 400 کی جاسکتی ہے۔
اسپتال ضلع میں سب سے برا جدید کوویڈ اسپتال ہے۔اسپتال کی تعمیر نوئیڈٓ اتھاریٹی کی جانب سے کی گئی ہے،جبکہ ٹاٹا گروپ اور بل اینڈ ملینڈا گیٹس فائنڈیشن کی جانب سے قریب 17 کروڑ کی لاگت سے اسپتال میں وسائل جٹائے گئے ہیں۔یہاں پہلے فلور پر آئی سی یو اور ایمرجنسی خدمات اورپانچویں فلور پر آئیسولیشن وارڈ بنایا گیا ۔اس کے علاوہ دوسری منزل پر ڈائلسس یونٹ اور سٹی اسکین کا انتظام کیا گیا ہے۔
حال میں چائلڈ پی جی آئی میں 50, گرینو سرکاری میڈیکل سائنس انسٹی ٹیوٹ (جمس)میں 150 بیڈ کی سہولت ہے۔یہاں قریب 100 طبی اہلکاروں کی ڈیوٹی لگائی جائےگی۔اس کےلئے محکمہ صحت نے ڈاکٹروں کی فہرست تیار کرلی ہے۔سبھی ڈاکٹر ضلع کے مختلف سی ایچ سی – پی ایچ سی سے جڑے ہیں ۔
