کیا 80کروڑ کی شادی کرکے کترینہ کیف وکی کوشل دیوالیہ ہو گئے ہیں؟

ممبئی،دسمبر۔بھارتی معروف اداکار جوڑی، بھارتی باربی ڈول کترینہ کیف اور اداکار وکی کوشل کے ہوائی جہاز کی اکانومی کلاس میں سفر کرنے پر مداح حیران نظر آ رہے ہیں۔ جہاز کی اکانومی کلاس میں سفر کے دوران بنائی گئی کترینہ کیف اور وکی کوشل کی ویڈیو سوشل میڈیا پلیٹ فارمز پر خوب وائرل ہے۔جہاز میں موجود ایک مداح اِن کی چپکے سے ویڈیو بنا رہی ہیں۔ویڈیو کا وائرل ہونا ہی تھا کہ سوشل میڈیا پر فنکار جوڑی کے معاشی حالات پر مداح دلچسپ تبصرے کرتے نظر آ رہے ہیں۔کسی مداح کا کہنا ہے کہ ’اْن کا پیسہ اْن کی مرضی‘، تو کسی کا کہنا ہے کہ ’یہ جوڑی بھی ہماری طرح عام انسان ہے، اگر جہاز میں اکانومی میں سفر کر رہے ہی تو اس میں کوئی مضائقہ نہیں‘، دوسری جانب ایک مداح کا کہنا ہے کہ ’80 کروڑ کی مہنگی ترین شادی کر کے یہ جوڑی دیوالیہ ہو گئی ہے، اسی لیے جہاز کی اکانومی کلاس میں سفرکر رہی ہے‘۔