اکشے کمار چھترپتی شیواجی مہاراج کے کردار میں نظر آئیں گے

ممبئی، دسمبر۔ فلم اداکار اکشے کمار جلد ہی مراٹھی فلم ویڈات مراٹھے ویر دوڑلے سات میں چھترپتی شیواجی کے کردار میں نظر آئیں گے۔ اکشے کمار اس فلم میں چھترپتی شیواجی مہاراج کے کردار میں نظر آئیں گے۔ اداکار نے آج سے اس فلم کی شوٹنگ بھی شروع کر دی ہے۔ اکشے کمار نے خود ٹویٹ کرکے مداحوں کو یہ اطلاع دی ہے۔ اکشے کمار نے چھترپتی شیواجی کی ایک تصویر شیئر کی ہے جس میں اداکار کا سایہ بھی ہاتھ جوڑ ے دکھائی دے رہا ہے۔ اس تصویر کو شیئر کرتے ہوئے اکشے کمار نے لکھا – آج میں مراٹھی فلم ویڈات مراٹھے ویر دوڑلے سات کی شوٹنگ شروع کر رہا ہوں جس میں چھترپتی شیواجی مہاراج جی کا کردار ادا کرنا خوش قسمتی ہے۔ ان کی زندگی سے تحریک لے کر اور ماں جیجاؤ کے آشیرواد سے، میں اپنی پوری کوشش کروں گا! اداکار کے ساتھ ساتھ ان کے مداح بھی اکشے کی اس فلم کو لے کر کافی پرجوش ہیں۔ اکشے کی اس مراٹھی فلم کو وسیم قریشی پروڈیوس کررہے ہیں، جب کہ مہیش منجیکر ہدایت کاری کررہے ہیں۔ فلم ہندی، مراٹھی، تامل اور تیلگو میں اگلے سال دیوالی پر ریلیز ہوگی۔