بھارتی اداکار کےیہاں شادی کے 18 برس بعد بیٹی کی پیدائش

ممبئی،دسمبر۔ بھارتی ٹی وی اداکار اپروا اگنی ہوتری کے ہاں شادی کے 18 برس بعد بیٹی کی پیدائش پر اہلخانہ خوشی سے نہال ہو گئے۔میڈیا کے مطابق نامور بھارتی ڈرامے جسی جیسی کوئی نہیں کے اداکار اپروا اگنی ہوتری اور ان کی اہلیہ شلپا سکلانی کے ہاں شادی کے 18 برس بعد بیٹی کی پیدائش ہوئی جس کی اطلاع اداکار نے سوشل میڈیا کے ذریعے دی۔اپروا اگنی ہوتری نے اپنی اور اہلیہ کی تصویر کے ساتھ ننھے بیٹے کی تصویر بھی سوشل میڈیا پر شیئر کی اور لکھا کہ یہ سالگرہ میرے لیے بہت ہی خاص رہی کیونکہ اس موقع پر خدا نے ہمیں بہت ہی خاص، ناقابل یقین اور معجزاتی تحفے سے نوازا، میں اور شلپا بیٹی اشانی کانو اگنی ہوتری کو آپ لوگوں سے متعارف کرانا چاہتے ہیں۔