رشمیکا مندانا کو دہلی پسند آگیا

ممبئی،ستمبر،بھارتی فلم انڈسٹری کی نوجوان اداکارہ رشمیکا مندانا نے حال ہی میں دہلی میں ایک تقریب میں شرکت کی اور اس کے بعد سے وہ شہر کی محبت میں گرفتار ہوگئیں۔انہوں نے انسٹاگرام پر دہلی میں لی گئی تصاویر شیئر کیں، رشمیکا نے کیپشن دیا کہ شکریہ دہلی، اگلی بار مومو (کھانے کی ڈش) ڈیٹ پر چلیں گے۔اس پوسٹ کو اب تک 18 لاکھ افراد پسند کرچکے ہیں، رشمیکا آج کل اپنی پہلی بالی ووڈ فلم ’گڈ بائے‘ کے ریلیز ہونے کا انتظار کر رہی ہیں۔اس فلم میں امیتابھ بچن اور نینا گپتا بھی شامل ہیں، گزشتہ روز فلم کا ایک گانا ریلیز ہوا جس کی تقریب میں رشمیکا نے شرکت کی تھی۔