تاپسی پنو نے فینز کی توجہ نہ ملنے کے حوالے سے ٹوئٹر پر ٹرولر کو لاجواب کردیا

ممبئی ،اگست۔بالی ووڈ کی معروف اداکارہ تاپسی پنو نے ایک سوشل میڈیا صارف کی جانب سے ان کے ٹوئٹس پر فینز کے متوجہ نہ ہونے کے حوالے سے ٹرولنگ پر ردعمل کا اظہار کیا۔تاپسی پنو اپنی حالیہ فلم دوبارہ کے حوالے سے ٹوئٹر اکاؤنٹ صرف مثبت ریویوز کا جواب دینے کے لیے استعمال کرتی ہیں۔تاہم ایک صارف نے انہیں ٹوئٹ کرتے ہوئے کہا آپ کے 47 لاکھ فالوورز ہونے کے باوجود آپ کی ٹوئٹس پر صرف چند ہی جواب آتے ہیں، ٹوئٹس کا بھرپور ری ایکشن نہیں ملتا۔اس پر تاپسی نے اپنے ردعمل میں کہا کہ انہیں ٹرول کرتے ہوئے اسے کافی جدوجہد کرنا ہوگی، اگلے ہی جملے میں تاپسی نے اسے لاجواب کرتے ہوئے مبارکباد دی کہ اس نے ان کی توجہ حاصل کرلی۔ تاپسی نے جواب دیتے ہوئے کہا کہ میرے آدھے فالورز آپ کی طرح ہیں جنہوں نے مجھے اہمیت دے رکھی ہے تو شکریہ اور میری توجہ حاصل کرنے پر میں آپ کو مبارکباد دیتی ہوں۔