نورا فتیحی نے اپنے گانے پر ڈانس کرنیوالی روسی بچی کی ویڈیو شیئر کردی

ممبئی،فروری۔نامور بھارتی سلیبریٹی نورا فتیحی نے اپنے مشہور گانے پر ڈانس کرنے والی روسی بچی کی ویڈیو شیئر کردی۔اپنے زبردست ڈانس سے بالی ووڈ میں الگ پہچان بنانے والی نورا فتیحی کا گانا ناچ میری رانی چند مہینے پہلے ہی ریلیز ہوا تھا، جسے اب تک دو ملین سے زیادہ لوگ دیکھ چکے ہیں۔گرو رندھاوا کے اس گانے میں نورا کا ڈانس ہر کوئی دیکھتا ہی رہ گیا، جس کے بعد بہت سے لوگ اس گانے پر پرفارم کرکے اپنی ویڈیوز بنارہے ہیں۔ایسے ہی روس سے تعلق رکھنے والی چھوٹی سی بچی کی ویڈیو بھی سامنے آئی ہے جو نورا فتیحی کے گانے پر ڈانس کرتی نظر آرہی ہیں۔ویڈیوز اینڈ فوٹوز شیئرنگ ایپ انسٹا گرام پر نورا فتیحی نے اسی بچی کی ویڈیو شیئر کی جو ان کے گانے ناچ میری رانی پر زبردست ڈانس کرتے نظر آرہی ہیں۔ایک روز قبل شیئر کی جانیوالی اس ویڈیو کو اب تک 4 لاکھ کے قریب لوگ دیکھ چکے ہی اور بچی کے ڈانس کو پسند کرتے ہوئے اس پر دلچسپ تبصرے بھی کر رہے ہیں۔