صدر جمہوریہ نے اہل وطن کو اونم کی مبارکباد دی

نئی دہلی، 25 اگست صدر جمہوریہ دروپدی مرمو نے منگل کے روز اونم کی قبل از شام تمام ہم وطنوں، بالخصوص ہندوستان اور بیرونِ ملک مقیم کیرلم کے باشندوں کو دلی مبارکباد اور نیک خواہشات پیش کی ہیں۔ انہوں نے تمنا کی کہ یہ مبارک تہوار سبھی کی زندگی میں خوشی، امن، بہترین صحت اور خوشحالی لے کر آئے۔

صدر جمہوریہ نے اپنے پیغام میں کہا کہ اونم نئی فصل کی آمد کی خوشی میں فطرت کے تئیں اظہار تشکر کرنے کا موقع ہے۔ یہ تہوار ملک کے مالامال ثقافتی ورثے اور بھائی چارے کی علامت ہے اور کثرت میں وحدت کے جذبے کو تقویت بخشتا ہے۔

انہوں نے کہا کہ اس موقع پر کشتی رانی، لوک رقص نیز دیگر روایتی فنون اور کھیلوں کی خاص اہمیت ہوتی ہے۔ یہ کیرلم کی ثقافت اور اقدار کی عکاسی کرتے ہیں۔

صدر جمہوریہ نے کہا کہ وہ پرارتھنا کرتی ہیں کہ اونم کا یہ مقدس تہوار سبھی کی زندگی میں خوشی، امن، بہترین صحت اور خوشحالی کی نئی لہر پیدا کرے اور اہل وطن کو ملک کی ترقی میں نمایاں کردار ادا کرنے کی ترغیب دے۔